متهيألى صيف 2008 فى مصر كان ساخن جدا وملىء بالمفاجأت
معرفش السيناريو هيولع اكتر فى الابام الجاية ولا هيبرد على الشتا
بس الصراحة انا فرحانة عشان مؤمنة ان الاصلاح فى اى حاجة فى الدنيا لا يتحقق الا بعد الوصول الى الحضيض اولا او ما اسميه الخراب الاعظم
ساعتها بس الناس بتفوق

ما تستعجلش كله هايبان في مؤتمر الحزن بعد شهرين
زمان كانوا دايما بيعملوا حساب للي عايشين علي فُتات التورته لانهم مش شويه و مايُستهانشي بيهم لكن دلوقت جمال واخوه حتي الطبق لاحسينه

المشكله إن الموساد فين من كل ده يا جماعه معلش يمكن كلمه موساد مجعلصه شويه لكن ما ننساش إن الموساد عرفت تجيب بول حافظ الأسد قبل ما يموت بتلات شهور و عرفوا يحددوا وقت موته بالضبط و ما حدش يقنعنى إن إسرائيل أعده تهوى و سايبه كلابها تبلبط فى مصر من غير توجيه للأسف أم عدم الشفافيه الى إحنا فيها دى مش حتخلينا نعرف حاجه غير بعد مل كل ولاد الكلب دول ما يغوروا فى داهية و ربنا يستر باه على البلد

انا كمان حاسة ان فيه حاجة غلط
واللعب بقى ع الكيف
والكبار لما بيلعبوا مع بعض بيولعوا في البلد
لا حريق الشورى
ولا الهوليلة بتاعة طلعت مصطفى نازلة لي من زور
تفاصيل القضية خايبة قوي
ومحدش يصدقها !!

السيناريو إلي محدش قادر يصدقه إن الصراع الأساسي هو بين حسني مبارك ذات نفسه وجمال مبارك وأتباعه من البلطجيه والحراميه

لو إقتنعتوا بالفكره دي حتحللكم ألغاز كبيره

طبعا عمر سليمان هو المرشح المدعم من الجيش والشرطه وغالبا من حسني مبارك لأنه يكون نائب الرئيس

حرب طيران الرؤوس دي علشان هما الأيام دي بيتناقشوا في الكوادر ورؤساء اللجان ورؤساء التنظيمات في الحزب إلي حيتقرروا في المؤتمر الجاي قريبا

تحياتي

المجد لأحمد عز
وعلى الناس المسرة
قال جيش قال

غليان ما قبل الانفجار اللي هيبقي قريب قوي ..وانا اقصد بالانفجار مش ثورة او ما شابة لكن بتكلم زيادة حدة صراع الاجنحة واالي هنشوف فية العجب
من سنة كنت بكلم واحد صاحبي وكنا بناقش فكرة ان مفيش حد شريف في البلد الوسخة دي يقوم يهد الدنيا وينقلب مثلا ولا يعمل اية مصيبة ويخلصنا من حسني مبارك.انا كان اعتقادي الشخصي انة موجود وانة في اللحظة اللي انا بتكلم فيها دي بيشرب سيجارة مع فنجان قهوة في مكتبة وبيحاول يحدد الوقت المعين والانقضاض لمحاولة تصليح الامور لكن ينجح او مينجحش دي بقي مقدرش احددها لكن كنت مؤمن تماما انة موجود
قد يكون عمرسليمان قد يكون س او ص لكن الامور هتتغير تماما مش لازم للاحسن بس هنشوف مشهد سياسي جديد جدا في مصر بعد موت ابن الاحبة